Poskitki
Zahajenska a přihotowanska rozmołwa
Tuta rozmoła słuži k zeznaću a k rozrěčenju wobjima hladanja přez babu. Tu maće móžnosć, Waše wočakowanja a přeća wuprajić. Rady wotmołwimy Wam hižo tu wšitke prašenja. Temy, kotrež so tohorunja wobjednawaja, su žiwjenska a dźěłowa situacija, dotalny přeběh samodruhosće respektiwnje předchadźacych samodruhosćow a porodow kaž tež mediciniska anamneza.
- Tutón wukon płaći so wot chorobneje kasy.
- Terminy poskićimy po dorěčenju.
- Skontaktujće nas přez mailku kontakt@kolebka.de abo přez kontaktny formular.
Wobstarosć w samodruhosći a pomoc při wobćežowanjach
Jako baby přewodźamy žony hižo za čas planowanja samodruhosće, w samodruhosći, při porodźe, w njedźelničim łožu a za čas ćěšenja. Strowotniski system dowola nam přepytowanja w samodruhosći paralelnje abo we wotměnje ze žónskim lěkarjom přewjesć. Na nastate prašenja w samodruhosći rady wotmołwimy. Wobćežowanja njetyja runowaze mjez ćěłom a dušu. Chcemy tuž poradźujo pomhać, zo by so Wam derje šło. W srjedźišću našeho dźěła steji přeco njekaženy, strowy zróst dźěsća a derjeměće maćerje.
- Tutón wukon płaći so wot chorobneje kasy.
- Terminy sej dorěčimy.
- Skontaktujće nas přez mailku kontakt@kolebka.de abo přez kontaktny formular.
Hladanje w njedźelničim łožu
Po porodźe započina so njedźelniče łožo. W času změnow ćěła a duše stejimy wam a ćěšenkej poboku. Přez domjace wopyty přewodźamy was někak do kónca njedźelničeho łoža, štož su něhdźe 8 tydźenjow po porodźe, při potrjebje tež dlěje. Z poradźowanjemi w tutym času podpěramy Was w nowym žiwjenskim wotrězku, staramy so wo derjeměće maćerje a ćěšenka, podpěramy při hojenju ranow a inwoluciji rodźicy (Rückbildung der Gebärmutter), při ćěšenju a prawym zežiwjenju, při hladanju nowonarodźeneho a dalše.
- Tutón wukon płaći so wot chorobneje kasy.
- Za hladanje w njedźelničim łožu so prošu hižo w zažnej samodruhosći přez mailku kontakt@kolebka.de abo přez kontaktny formular dla wobmjezowanych kapacitow přizjewće.
Poradźowanja za čas ćěšenja
Po zakónčenju njedźelničeho łoža móžemy was dale hač k zakónčenju ćěšenja podpěrać. Skontaktujće nas, jeli maće prašenja nastupajo zežiwjenja ćěšenka abo procesa ćěšenja. Tute poradźowanske terminy přewjedźemy w „Kolebce“.
- Kóšty so pak jenož hač ke kóncej ćěšenja w prěnich dźewjeć měsacach wot chorobneje kasy spěchuja.
- Skontaktujće nas přez mailku kontakt@kolebka.de abo přez kontaktny formular.
Poradźowanja k přijědźi
Jeli dźěćko jasnje signalizuje, zo nochce hižo jenož ćěšene być, ale tež hižo wo přidatnu jědź rodźi, potom Was tohorunja rady poradźujemy. Wažne je, zo móže baby ze srěnej podpěru sam sedźeć, zo zamóže jědź do ručki wzać a zaměrnje tež do huby tyknyć. Hdyž dźěćko nětko tež wjac jědź z jazykom nastajnosći z hubki njestorka („Zungenstoßreflex“), je zrałe za přijědź. Z mnohich wšelakorych móžnosćow pytamy za pućom k swójbnemu blidej, kotryž zda so za Waše dźěćo najpřihódniši być.
- Nažel kasa kóšty za tute poradźowanje njepřewozmje.
- Skontaktujće nas přez mailku kontakt@kolebka.de abo přez kontaktny formular.
Kursy
Kurs k přihotej na porod
Na tajkim kursu smě so kóžda žona/ kóždy por wobdźělić. Kurs skića w napjatej fazy žiwjenja móžnosć, so z přirodnym wotběhom poroda rozestajeć a chce mocy a dowěru do swójskeho ćěła skrućeć. W škitanym ramiku chce kurs přez wuměnu nazhonjenjow a wotmołwu na prašenja z fachowymi impulsami na přichod přihotować.
Wobsah kursa
Změny w samodruhosći – znamjenja na spočatk poroda – wotběh poroda z jednotliwymi fazami – informacije k přebywanju w chorowni – njedźelniče łožo – ćěšenje – prěni čas z ćěšeńkom.
Tež zwučowanja dychanja, wotputanja a zaznaća ćěła, kotrež su zwjetša z pomocu pod porodom, so w kursu nadźěłaja.
Što płači kurs?
Přihotowanski kurs na porod je płačeny přez płačiwe čłonstwo pola Wašeje chorobneje kasy. Baba kurs direktnje přez kasu wotliči, tak zo na Was maćerjow žane kóšty njepřindu.
So wobdźělace nanojo maja jich přinošk, wo kotrymž Was baba rady informuje, do kursa płačić. Pjenjezy so w najwjace padach wot chorobneje kasy wróča.
Skomdźene hodźiny njehodźa so přez chorobnu kasu wotličić a dyrbja so tak wot wobdźělniće priwatnje zapłaćić (přičizna njeje tu relewantna).
Přidawk k wudawkam
Zběra so za wudawki jónkróčnje přidawk w wysokosći 10,-€ na wosobu. Tež tutón so kwitěruje.
termin - kurs k přihotej na porod
Poskitk přichodnych kursow:
- 14.08 -01.09| 3x dopołdnja 09:00 - 11:00 hodź | 1x wječorny kurs z partnerom 01.09 17 - 19 hodź
Gymnastika po porodźe
Cil gymnastiki po porodźe je skrućenje muskulatury w rumje pónoje (Becken). Muskulatura so přez miłe zwučowanja zaznawa a skruća. Poněčim steji skrućenje wšěch tych musklowych partijow w srjedźišću, kotrež su so w samodruhosći změnili abo mějachu hinaši nadawk. Zwučowanja hodźa so do wšědneho dnja zaplesć a z tym so ćěło zas na žiwjenje po samodruhosći nastaji.
Start kursa doporučimy najzašo 6-8 tydźenjow po porodźe, kurs měł w prěnich 9 měsacach po porodźe wotzamknjeny być.
K prewenciji inkontinency a za swójske derjeměće doporučamy kóždej žonje po samodruhosći tajke sportowanje.
- Přizjewjenje doporučimy w prěnich třoch tydźenjach po porodźe.
Što płači kurs?
Kurs gymnastiki po porodźe je płačeny přez płačiwe čłonstwo pola Wašeje chorobneje kasy. Kóšty so potajkim w prěnich 9 měsacach po porodźe přewzaja. Baba kurs direktnje přez kasu wotliči, tak zo na Was maćerjow žane kóšty njepřindu.
Skomdźene hodźiny njehodźa so přez chorobnu kasu wotličić a dyrbja so tak wot wobdźělniće priwatnje zapłaćić (wšojednje z kotrej přičizny).
Přidawk k wudawkam
Zběra so za wudawki jónkróčnje přidawk w wysokosći 10,-€ na wosobu. Tež tutón so kwitěruje.
termin - gymnastika po porodźe
Poskitk přichodnych kursow:
- 26.08 - 07.10 I 7x wutoru I 7x 75 min I 09:00-10:15 hodź
- 18.11 - 13.01 I 7x wutoru I 7 x 75 min I 09:00-1015 hodź
Přidatne poskitki
Komplementarna medicina je kompleksne zapřijeće wšelakich hojenskich metodow a diagnostiskich konceptow. Tute widźimy jako alternatiwu abo wužijemy je jako wudospołnjenje k wědomostnje wobkručenym hojenskim metodam. W „Kolebce“ dźěłamy rady z antroposofiskimi lěkami a akupunkturu. Spočatk hojenja a častosć so indiwiduelnje z nami dorěča.
- Wo kóštach za poskitki was rady do toho informujemy.
Akupunktura
Akupunktura je małke polo tridicionelneje chineskeje mediciny. Wona wuchadźa ze žiwjenskeje energije ćěła. Tuta energija mjenuje so Qi. Mylenja w běhu wobtoka Qi so přez akupunkturu wotstronja. Samsny cil zastupuje akupresura abo moksowanje. Qi enerja dyrbi so regularnje w ćěle pohibować.
Spočatk a frekwenca hojenja so indiwiduelnje dorěća. Wo kóštach Was w předpolu rady informujemy.
- Skontaktujće nas přez mailku kontakt@kolebka.de abo přez kontaktny formular.
Homeopatija
Homeopatija je alternatiwna metoda lěkowanka, při kotrež steji čłowjek jako cyłk w srjedźišću. Wužite lěki skutkuja regulujo na funkcije ćěła a su z tym derje znjesliłe. Wosebje w samodruhosći, za čas ćěšenja a za ćěšenka je homeopatija dobra alternatiwa k druhim lěkam.
- Skontaktujće nas přez mailku kontakt@kolebka.de abo přez kontaktny formular.
Kinesiologiske tapowanje
Při tapowanju so specielny plestern z wšelakimi technikami na kožu zlěpi. Tuta metoda lěkowanja podpěra hojenske procesy w ćěle. Spektrum wužiwanja je jara šěroki. Na přikład pomha kinesiologiske tapowanje k přewinjenju napjeću muskulatury abo při zatykanej chódby mlóka w hrudźi a skići tak tež móžnosć wobćežowanja woložić.
- Skontaktujće nas přez mailku kontakt@kolebka.de abo přez kontaktny formular.
